18.02.2015, 09:52

“Heydər Əliyev və dünya siyasəti” mövzusunda elmi konfrans keçiriləcək

30 aprel 2015-ci il tarixdə Azərbaycan xalqının ümummilli lideri, müstəqil Azərbaycan dövlətinin qurucusu Heydər Əliyevin anadan olmasının 92-ci ildönümü münasibəti ilə “Heydər Əliyev və dünya siyasəti” mövzusunda elmi konfrans keçiriləcək.
AMEA Humanitar və İctimai Elmlər Bölməsi və Dünya Siyasəti İnstitutunun birgə təşkilatçılığı ilə keçiriləcək tədbirdə mövzu üzrə akademik araşdırmalar aparan şəxslər məruzə ilə çıxış edəcəklər.
Konfransda iştirak etmək istəyənlər 10 mart 2015-ci il tarixədək məruzə tezislərini cwpi@mail.ru elektron ünvanına göndərə bilərlər.
Məruzə tezislərinin tərtib olunma qaydaları:
- Mətnlər Word-A4 formatında 1 səhifə həcmində olmalı, Times New Roman, 12 şrift, 1 intervalla, soldan 3 sm., yuxarı və aşağı 2 sm., sağ 1 sm., abzaslar 1.25 sm. parametrlərinə uyğun yazılmalıdır.
Göndərilən tezislər alimlərin daxil olduğu heyət tərəfindən konfransın mövzusuna və qoyulan tələblərə uyğunluğu, elmi aktuallığı və orijinallığı baxımından dəyərləndiriləcək və müəlliflər 20 mart tarixinə qədər məlumatlandırılacaqlar. Qəbul edilən məruzələrin son təqdimetmə tarixi 10 apreldir.
Məruzələrin mətninin hazırlanmasına qoyulan tələblər:
- Mətnlər Word-A4 formatında 8-12 səhifə həcmində olmalıdır;
- Times New Roman, 12 şrift, 1 intervalla, soldan 3 sm., yuxarı və aşağı 2 sm., sağ 1 sm., abzaslar 1.25 sm. parametrlərinə uyğun yazılmalıdır.;
- Birinci səhifədə yuxarıda sağda qara hərflərlə müəllifin adı, soyadı, elmi dərəcəsi, vəzifəsi, işlədiyi elmi müəssisənin adı, elektron poçt ünvanı (e-mail) və əlaqə nömrəsi yazılmalıdır;
- Müəllifin ad və soyadından sonra səhifənin ortasında məqalənin adı böyük qara hərflərlə yazılmalıdır;
- Məqalənin adından sonra Azərbaycan dilində qısa xülasə, ingilis və rus dillərində açar sözlər yazılmalıdır;
- Məruzələr giriş, əsas mətn və nəticə strukturuna uyğun olmalıdır;
- Nəticədən sonra ingilis və rus dilində qısa xülasə verilməli, xülasələrdə məruzənin adı da qeyd edilməlidir;
- İstifadə edilən mənbələr “İstifadə edilən ədəbiyyat” başlığı altında əlifba sırası ilə verilməli və mətndə ona uyğun olaraq kodlaşdırılmalıdır;
- Rəsmlər, tablolar və qrafiklər olarsa, ayrı-ayrı nömrələnməli və altında qısa izahat verilməlidir. Məruzə ilə uyğunluğu olmayan rəsm və tablolara yer verilməməlidir.

Təşkilat Komitəsi:
AMEA Dünya Siyasəti İnstitutu, Bakı ş., H.Cavid pr. 31, IVmərtəbə
Tel: (+994 55) 5284472
E-mail: cwpi@mail.ru
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.