V “Elektron Təhsil” Respublika müsabiqəsi

Dekabrın 26-da Təhsil Nazirliyi tərəfindən keçirilən V “Elektron Təhsil” Respublika müsabiqəsi qaliblərinin mükafatlandırılması mərasimi olub.
Tədbirdə təhsil nazirinin müavini Ceyhun Bayramov, Təhsil Nazirliyinin struktur bölmə rəhbərləri, rayon təhsil şöbələrinin rəsmiləri və qeyri-hökumət təşkilatlarının nümayəndələri iştirak edib.
Mərasimdə çıxış edən təhsil nazirinin müavini Ceyhun Bayramov artıq 5-ci ildir keçirilən müsabiqəyə marağın böyük olduğunu bildirib. Ümumilikdə 1104 layihənin təqdim olunduğu müsabiqənin rəsmi internet səhifəsində (www.musabiqe.edu.az) qeydiyyatdan keçmiş 6930 müəllim, 1877 tələbə, 5349 şagird və 638 valideyn layihələrin onlayn müzakirəsində iştirak edib.

Müsabiqənin keçirilməsində məqsəd elektron tədris resurslarının, internet texnologiyalarının tədris prosesinə tətbiqini genişləndirmək, tədris məqsədləri üçün internetdən istifadənin yeni üsullarını öyrənmək və tədris prosesində informasiya texnologiyalarından fəal istifadə edən müəllimləri həvəsləndirməkdən ibarətdir.
Müsabiqə 3 əsas istiqamət və 7 nominasiya üzrə təşkil olunub. Yüksək bal toplayan namizədlər Təşkilat Komitəsi qarşısında öz işlərini nümayiş etdiriblər. Son nəticədə 21 nəfər qalib elan olunub. 47 nəfərin işi isə fərqləndirilib.
Qaliblərə diplom, noutbuk, planşet, printer və digər xüsusi mükafatlar təqdim olunub. Fərqlənən iştirakçılara da müxtəlif hədiyyələr verilib.
Müsabiqənin keçirilməsinə “AZEDUNET”, “Edumedia”, “Ultra”, “Mədəd Azərbaycan”, “İntel” korporasiyasının “Gələcək üçün təhsil” proqramı, “Nar Mobile” və “Dr.Web” şirkətləri sponsorluq edib.

Doğum gününüz mübarək, Əziz Prezidentimiz İlham Əliyev!

Bu gün Əziz Prezidentimiz  İlham Əliyevin doğum günüdür.  
 İlham Heydər oğlu Əliyevin 53 yaşı tamam olur.
İlham Heydər oğlu Əliyev 1961-ci il dekabrın 24-də Bakı şəhərində anadan olub. 1967-1977-ci illərdə Bakı şəhərində orta məktəbdə oxuyub.
1977-ci ildə Moskva Dövlət Beynəlxalq Əlaqələr İnstitutuna (MDBƏİ) daxil olub.
MDBƏİ-ni bitirdikdən sonra 1982-ci ildə Moskva Dövlət Beynəlxalq Əlaqələr İnstitutunun aspiranturasına daxil olub.
1985-ci ildə dissertasiya müdafiə edərək, tarix elmləri namizədi dərəcəsi alıb.
1985-1990-cı illərdə Moskva Dövlət Beynəlxalq Əlaqələr İnstitutunda müəllim işləyib.
1991-1994-cü illər ərzində özəl biznes sahəsində çalışıb və bir sıra istehsal-kommersiya müəssisələrinə rəhbərlik edib.
1994-cü ildən 2003-cü ilin avqust ayınadək Azərbaycan Respublikası Dövlət Neft Şirkətinin vitse-prezidenti, sonra isə birinci vitse-prezidenti olub. "Heydər Əliyevin neft strategiyası"nın həyata keçirilməsində fəal iştirak edib.
Suveren Azərbaycanın neft siyasətinin geosiyasi aspektlərinə dair bir sıra tədqiqat işlərinin müəllifidir. Siyasi elmlər doktorudur.
İki dəfə, 1995-ci və 2000-ci illərdə Azərbaycan Respublikasının Milli Məclisinə seçilib. 2003-cü ildə Azərbaycan Respublikasının Baş naziri vəzifəsinə təyin edilməsi ilə əlaqədar olaraq deputat səlahiyyətlərinə xitam verib.
1997-ci ildən Azərbaycanın Milli Olimpiya Komitəsinin Prezidentidir. İdmanın və Olimpiya hərəkatının inkişafında böyük xidmətlərinə görə Beynəlxalq Olimpiya Komitəsinin ali ordeni ilə təltif edilib.
1999-cu ildə hakim Yeni Azərbaycan Partiyası sədrinin müavini, 2001-ci ildə sədrin birinci müavini, 2005-ci ildə isə partiyanın sədri seçilib.
2001-2003-cü illərdə Avropa Şurası Parlament Assambleyasında (AŞPA) Azərbaycan Respublikası Milli Məclisinin nümayəndə heyətinin rəhbəri olub.
2003-cü ilin yanvar ayında Avropa Şurası Parlament Assambleyası sədrinin müavini, AŞPA-nın Büro üzvü seçilib.
2003-cü il avqustun 4-də Milli Məclis tərəfindən təsdiq edildikdən sonra Azərbaycan Respublikasının Baş naziri təyin edilib.
2003-cü il oktyabrın 15-də Azərbaycan Respublikasının Prezidenti seçilib. Prezident seçkilərində seçicilərin 76%-dən çoxu İlham Əliyevin lehinə səs verib. O, 2003-cü il oktyabrın 31-də vəzifəsinin icrasına başlayıb.
2004-cü ilin aprelində AŞ PA-nın fəaliyyətində fəal iştirakına və Avropa ideallarına sədaqətinə görə AŞ PA-nın fəxri üzvü diplomu və AŞPA medalı ilə təltif edilib.
2008-ci il oktyabrın 15-də keçirilən seçkilərdə seçicilərin 88,73 % səsini qazanan İlham Əliyev ikinci dəfə Azərbaycan Respublikasının Prezidenti seçilib. O, 2008-ci il oktyabrın 24-də vəzifəsinin icrasına başlayıb.
Azərbaycan, rus, ingilis, fransız və türk dillərini mükəmməl bilir.
Evlidir. Üç övladı var.

Prezident İlham Əliyevin təltif olunduğu orden, mükafat və fəxri adların bəzilərini aşağıdakıları əhatə edir: Heydər Əliyev ordeni (Azərbaycan Respublikası), Beynəlxalq münasibətlər və sülh naminə İhsan Doğramacı mükafatı (Türkiyə), Rumıniya Ulduzu Ordeni (Rumıniya), Kral Əbdüləziz Ordeni (Səudiyyə Ərəbistanı Krallığı), Şərəf Ordeni (Gürcüstan), "Şərəf Legionunun Böyük Xaçı" Ordeni (Fransa), Şeyxülislam Ordeni (Azərbaycan Respublikası), Rusiya Pravoslav Kilsəsinin "Prepodobnıy Serqiy Radonejskiy" birinci dərəcəli Ordeni, "Böyük Kordon" Şərəf Ordeni (Beynəlxalq Hərbi-İdman Şurası), MDB ölkələrin İdman Təşkilatlarının Beynəlxalq Konfederasiyasının "Şərəf Ordeni", FİLA-nın Şərəf Zalının ən yüksək "İdman Əfsanəsi" ordeni, Polşa Respublikasının "Xidmətlərə görə" Böyük Xaç ordeni (Polşa), I dərəcəli Knyaz Yaroslav Mudrı ordeni (Ukrayna), "Mübarək əl-Kəbir" ordeni (Küveyt Dövləti), Yunanıstan parlamentinin Qızıl medalı (Yunanıstan), Avropa Ədalətli Oyunlar Hərəkatının "Şərəf" nişanı, "Üç ulduz" ordeninin "Böyük xaç kavaleri" dərəcəsi, "Stara Planina" ordeni (Bolqarıstan).

Linkoln Universitetinin Fəxri Doktoru (ABŞ), Moskva Dövlət Beynəlxalq Münasibətlər Universitetinin Fəxri Doktoru, L.N.Qumilyov - Avrasiya Milli Universitetin Professoru (Qazaxıstan), Bilkənt Universitetinin Fəxri Doktoru (Türkiyə), Vergilər üzrə Milli Akademiyanın Fəxri Doktoru (Ukrayna), Ploesti Neft və Qaz Universitetinin Fəxri Doktoru (Rumıniya), Milli və Dünya İqtisadiyyatı Universitetinin Fəxri Professoru (Bolqarıstan), Kyung Hee Universitetinin Fəxri Doktoru (Cənubi Koreya), İordaniya Universitetinin Fəxri Doktoru (İordaniya), Korvinus Universitetinin ictimai elmlər üzrə Fəxri doktoru (Macarıstan), M.V.Lomonosov adına Moskva Dövlət Universitetinin Fəxri professoru (Rusiya Federasiyası), Taras Şevçenko adına Kiyev Milli Universitetinin Fəxri doktoru (Ukrayna), Məxdumqulu adına Türkmənistan Dövlət Universitetinin Fəxri professoru (Türkmənistan Respublikası), Bakı Dövlət Universitetinin Fəxri doktoru (Azərbaycan), Belarus Dövlət Universitetinin Fəxri professoru (Belarus Respublikası).
  O, ölkəmizin simasıdır. Məhz, bu gün onun gərgin əməyi nəticəsində Azərbaycan hazırkı qüdrətinə çatıb. Cənab İlham Əliyevi doğum günü münasibətilə səmimi qəlbdən təbrik edir, ona daha böyük uğurlar,  bir ömür boyu davam edən xoşbəxtlik , can sağlığı  ailə səadəti  və ali vəzifələrinizin yerinə yetirilməsində yeni nailiyyətlər arzu edirəm! 
Təbriklər Ali Baş Komandan . Arzu edirəm  ki, ölkəmizin inkişafı və xalqımızın rifahı naminə həmişə uğurla çalışasınız!
Siz dövlət başçısı olaraq mərhum Prezident Heydər Əliyevin siyasi xəttini layiqincə davam etdirir, Azərbaycan Respublikasının sabit siyasi, iqtisadi və sosial inkişafının təmin olunması işinə sanballı töhfələr verirsiniz.
Var olun, cənab Prezident! Yaxşı ki, varsınız! Doğum gününüz mübarək!

Təhsil Nazirliyinin dəstəyi ilə hazırlanan elektron resursların təqdimatı

2013/2014-cü tədris ilində keçirilmiş “Ən yaxşı müəllim” müsabiqəsi

  SƏRƏNCAM

Prezident İlham Əliyev 2013/2014-cü tədris ilində keçirilmiş “Ən yaxşı müəllim” müsabiqəsinin qaliblərinin mükafatlandırılması haqqında sərəncam imzalayıb. Lent.az-ın məlumatına görə, 2013/2014-cü tədris ilində keçirilmiş “Ən yaxşı müəllim” müsabiqəsində müvəffəqiyyət qazandıqlarına görə aşağıda qeyd edilən müəllimlər 5000 manat məbləğində birdəfəlik pul
mükafatı ilə mükafatlandırılıblar:



Abbasov Elvin Sevdimalı oğlu
Abbasov Vüqar Bəhlul oğlu
Abbasova Həqiqət Fəzi qızı
Abdullayeva Bahar Fərzalı qızı
Ağayeva Nahidə Aslan qızı
Ağayeva Rəna Məhəmməd qızı
Ağayeva Ruhiyyə İbrahim qızı
Allahverdi Hidayət Fehruz oğlu
Aslanova Gülxas Əbdülrəhim qızı
Bağırov Rövşən Tofiq oğlu
Baxşəliyeva İradə Şahmar qızı
Bayramova Leyla Bəhman qızı
Cavadov Cavad Alı oğlu
Cəfərova Səbinə İmranovna
Cəfərova Sədaqət Rəhim qızı
Cümşüdov Asif Cümşüd oğlu
Dadaşov Cəmil Namiq oğlu
Dadaşov Vüqar İsrəfil oğlu
Dadaşova Aynurə Qurban qızı
Dadaşova Razıgül Müseyib qızı
Duniyev Dadaşbala Ağayar oğlu
Eldarova Həbibə Qadir qızı
Eyubova Afaq Oruc qızı
Əhmədov Ədalət Cəfər oğlu
Ələkbərov Zaur Zakir oğlu
Əliverdiyeva Sevil Şirnəli qızı
Əliyev Dadaş Ağaməşədi oğlu
Əliyev Hamlet Qasım oğlu
Əliyev Kamran Qorxmaz oğlu
Əliyev Rəfail Şıxəli oğlu
Əliyeva Gülzar Əlirza qızı
Əliyeva Ülkər Akif qızı
Əmirxanova Sədaqət Əmirxan qızı
Əzimova Nurlanə Cəbrayıl qızı
Əzimzadə Yaqut Mustafa qızı
Fərəcova Mətanət Elxan qızı
Gənciyev Şahin Şapur oğlu
Hacıyev Elnur Yuriy oğlu
Hacıyeva Aygün Fərzalı qızı
Hacıyeva Aygün İsmixan qızı
Hacıyeva Gülnaz Məmməd qızı
Həsənov Aqil Sədaqət oğlu
Həsənova Rəna Hilal qızı
Həşimova Həyat Nütfi qızı
Hüseynova Gülnarə Tofiq qızı
Hüseynova Təzəgül Hüseyn qızı
Xudaverdiyeva Sevda Mirsani qızı
Xuduyev Elnur Məmmədəli oğlu
İbayev Orxan Vaqif oğlu
İbrahimova Fəxriyyə Ənvər qızı
İsayev Aqil Nadir oğlu
İsfəndiyarov Ülfət Rahim oğlu
İsgəndərov Yaşar Çoban oğlu
İsmayılova Aynurə Abid qızı
İsmayılova Bahar İsmayıl qızı
Kazımov Məhəddin Qənbər oğlu
Kərimov Xamid Bayram oğlu
Qarakişiyev Məhəmməd Şakir oğlu
Qasımova Rubiynə Elton qızı
Qazıyeva Xumar Asim qızı
Qədirov Ceyhun Əflatun oğlu
Quliyeva Bilqeyis Qüdrət qızı
Quliyeva Esmira Mahmud qızı
Quliyeva Təranə Rizvan qızı
Quliyeva Ulduz İsmixan qızı
Məhərrəmova Sevinc Nəriman qızı
Məmmədov Fərhad Ənvər oğlu
Məmmədov Rəvan Kərim oğlu
Məmmədova Sənubər Abdulrəhim qızı
Məmmədova Təranə Faiq qızı
Məmmədova Vüsalə Əsəd qızı
Muradlı Çingiz Məzahir oğlu
Musayeva Sona İbrahim qızı
Mustafayeva Gültəkin Camaləddin qızı
Mustafayeva Ülviyyə Adil qızı
Mustafazadə Nigar Rəfail qızı
Nəbili Bəhruz Ağahüseyn oğlu
Nəsirov Ramiz Rafael oğlu
Niftiyeva Sevinc Mürvət qızı
Orucova Eminə Ramiz qızı
Orucova Səbinə Vaqif qızı
Pənahov Hafiz Saməddin oğlu
Pirimova Şəkər Rəhim qızı
Piriyeva Gülşən Əliağa qızı
Razıyeva Zalxa Babaəfəndi qızı
Rəhimova İlahə Mirzə qızı
Rəzzaqova Girami Yusif qızı
Rizayev Rüfət İbrahim oğlu
Rüstəmov Akif Şahverdi oğlu
Rüstəmova Rəxşəndə Mahmud qızı
Salmanov Adib Bayram oğlu
Səfərov Seyran Əmən oğlu
Səfərova Gülnarə Sabir qızı
Səfərova Mətanət Əlsürət qızı
Səfərova Nərminə Qərib qızı
Şabiyeva Aygün Sətdar qızı
Şahnamazov Yusif Əzim oğlu
Şamilova Xanım Nürəddin qızı
Şəfiyeva Dilarə Əkbər qızı
Veyisova Xəyalə Elbrus qızı

Dünyanın ən yaxşı 50 müəllimindən biri azərbaycanlıdır

ABŞ-ın sabiq prezidenti Bill Klintonun fəxri rəhbəri olduğu "Varkey GEMS" Fondu tərəfindən təsis olunmuş "Dünya Müəllimi Mükafatı"nın 50 namizədi arasında Balakən rayonundakı akademik Zərifə Əliyeva adına 3 nömrəli tam orta məktəbin ingilis dili müəllimi Məhəmməd Qarakişiyevin də adı var.

Trend-in Təhsil Nazirliyinin mətbu orqanı olan “Azərbaycan müəllimi” qəzetinə istinadən verdiyi məlumata görə, mükafat fondu 1 milyon ABŞ dolları olan və dünya təhsil ictimaiyyətində "məktəb müəllimləri üçün Nobel mükafatı" kimi qiymətləndirilən müsabiqənin ilkin mərhələsində dünyanın 150-dən artıq ölkəsindən 5000 müəllim iştirak edib. Müsabiqəyə ABŞ, Böyük Britaniya, İtaliya, Keniya, Uqanda, Hindistan, Əfqanıstan, Avstraliya, Argentina, Meksika, İordaniya və digər ölkələrdən olan müəllimlər qatılıblar. Növbəti mərhələyə onlardan 1300-ü keçib.

Final mərhələsinə isə M.Qarakişiyev də daxil olmaqla 50 müəllim çıxıb. 50 finalçı bütövlükdə 26 ölkəni təmsil edib. Bu müsabiqədə Azərbaycanı təmsil edən M.Qarakişiyev postsovet məkanı ölkələrindən yeganə namizəd olub.

Müsabiqənin qalibi 2015-ci il martın 15-də Birləşmiş Ərəb Əmirliklərinin Dubay şəhərində elan olunacaq. Növbəti mərhələdə 50 namizəd arasından 10 nəfər seçiləcək və onlardan bir nəfər 1 milyon ABŞ dolları həcmində "Dünya Müəllimi Mükafatı"nı alacaq.

Heydər Əliyevin vəfatından 11 il ötür

12 DEKABR AZƏRBAYCAN XALQININ ÜMUMMİLLİ LİDERİ HEYDƏR ƏLİYEVİN ANIM GÜNÜDÜR

 

Mərhum prezident 2003-cü ildə dünyasını dəyişib.

Azərbaycan xalqının ümummilli lideri Heydər Əliyevin vəfatından 11 il keçir.

 Azərbaycanın bütün bölgələrində, o cümlədən paytaxt Bakıda ümummilli lider Heydər Əliyevin anım mərasimləri təşkil olunur.

Dövlət qurumları, siyasi partiyalar, qeyri-hökumət təşkilatları, media orqanları və ictimaiyyətin nümayəndələri bu günlərdə Heydər Əliyevin Fəxri xiyabandakı məzarını ziyarət edirlər.

Azərbaycanın xarici ölkələrdə fəaliyyət göstərən diaspor təşkilatları da Heydər Əliyevin vəfatının 11-ci ildönümü ilə əlaqədar anım mərasimləri təşkil edirlər.

Qeyd edək ki, Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları sistemində çalışan Heydər Əliyev 1964-cü ildən Azərbaycan SSR Nazirlər Soveti yanında Dövlət Təhlükəsizliyi Komitəsi sədrinin müavini, 1967-ci ildən isə sədri vəzifəsində işləyib, general-mayor rütbəsinə qədər yüksəlib. Həmin illərdə o, Leninqradda xüsusi ali təhsil alıb, 1957-ci ildə isə Azərbaycan Dövlət Universitetinin tarix fakültəsini bitirib. Azərbaycan SSR Kommunist Partiyası Mərkəzi Komitəsinin 1969-cu il iyul plenumunda Heydər Əliyev Azərbaycan SSR Kommunist Partiyası Mərkəzi Komitəsinin birinci katibi seçilib. 1982-ci ilin dekabrında Sovet İttifaqı Kommunist Partiyası Mərkəzi Komitəsi Siyasi Bürosunun üzvü seçilən Heydər Əliyev SSRİ Nazirlər Soveti sədrinin birinci müavini vəzifəsinə təyin edilib və SSRİ-nin rəhbərlərindən biri olub. Heydər Əliyev 1987-ci ilin oktyabrında Sovet İttifaqı Kommunist Partiyası Mərkəzi Komitəsi Siyasi Bürosunun və baş katib Mixail Qorbaçovun yeritdiyi siyasi xəttə etiraz əlaməti olaraq, tutduğu vəzifələrdən istefa verib.

Heydər Əliyev 1990-cı ilin 20 yanvarında sovet qoşunlarının Bakıda törətdiyi qanlı faciə ilə əlaqədar ertəsi gün Azərbaycanın Moskvadakı nümayəndəliyində bəyanatla çıxış edərək, Azərbaycan xalqına qarşı törədilmiş cinayətin təşkilatçıları və icraçılarının cəzalandırılmasını tələb edib. O, Dağlıq Qarabağda yaranmış kəskin münaqişəli vəziyyətlə bağlı SSRİ rəhbərliyinin ikiüzlü siyasətinə etiraz əlaməti olaraq, 1991-ci ilin iyulunda Sovet İttifaqı Kommunist Partiyasının sıralarını tərk edib. 1990-cı ilin iyulunda Azərbaycana qayıdan Heydər Əliyev ilk əvvəl Bakıda, sonra isə Naxçıvanda yaşayıb, həmin ildə də Azərbaycan Ali Sovetinə deputat seçilib. O, 1991-1993-cü illərdə Naxçıvan Muxtar Respublikası Ali Məclisinin sədri, Azərbaycan Respublikası Ali Soveti sədrinin müavini olub.

Heydər Əliyev 1992-ci ildə Yeni Azərbaycan Partiyasının Naxçıvan şəhərində keçirilmiş təsis qurultayında partiyanın sədri seçilib. 1993-cü il iyunun 15-də Azərbaycan Ali Sovetinin sədri seçilən Heydər Əliyev iyunun 24-də Milli Məclisin qərarı ilə Azərbaycan Respublikası Prezidentinin səlahiyyətlərini həyata keçirməyə başlayıb. 1993-cü il oktyabrın 3-də ümumxalq səsverməsi nəticəsində Heydər Əliyev Azərbaycan Respublikasının Prezidenti seçilib. O, 1998-ci il oktyabrın 10-da keçirilən növbəti prezident seçkilərində yenidən Azərbaycan Respublikasının Prezidenti seçilib. 2003-cü il oktyabrın 15-də keçiriləcək prezident seçkilərində namizədliyinin irəli sürülməsinə razılıq vermiş Heydər Əliyev səhhətində yaranmış problemlərlə əlaqədar seçkilərdə iştirak etməkdən imtina edib.

Uzun müddət ABŞ-ın Klivlend klinikasında müalicə olunan Heydər Əliyev 2003-cü il dekabrın 12-də dünyasını dəyişib.

Ulu Öndər Təhsil Problemləri İnstitutunda anıldı

 

Azərbaycan Respublikasının Təhsil Problemləri İnstitutunda Ulu Öndər Heydər Əliyevin anım günü münasibətilə tədbir keçirilib. SİA-nın xəbərinə görə, toplantı iştirakçıları ilk öncə ayağa qalxaraq bir dəqiqəlik sükutla Ulu öndər Heydər Əliyevi yad ediblər. SİA-nın xəbərinə görə, tədbiri giriş sözü ilə institutun direktoru Qulu Novruzov açıb. Natiq Ulu Öndər, Ümummilli Lider Heydər Əliyevin müasir Azərbaycan dövlətinin qurulması istiqamətində atdığı uğurlu addımlardan bəhs edib. İnstitutun direktoru Ulu Öndərin müdrik siyasətə, dönməz əqidəyə və tarixi uzaqgörənliyə malik bir şəxsiyyət olduğunu bir daha xüsusi olaraq vurğulayıb. Ulu Öndər Heydər Əliyevin rəhbərliyi ilə gerçəkləşən bütün sahələrdə olduğu kimi elm, təhsil və mədəniyyət sahələrinin inkişafında da göstərdiyi əvəzolunmaz xidmətlərindən və genişmiqyaslı dövlət quruculuq sahəsində gördüyü işlərdən danışıb. Çıxışında Azərbaycan xalqının həqiqətən də xoşbəxt xalq olduğunu vurğulayaraq bildirib ki, uğurla başlanan inkişaf proqramları və Ulu Öndərin siyasi kursu möhtərəm Prezidentimiz İlham Əliyev tərəfindən uğurla davam etdirilir.
Tədbirdə Təhsil Problemləri İnstitutunun digər əməkdaşları da Ulu Öndər Heydər Əliyevin Azərbaycan üçün gördüyü böyük və uğurlu fəaliyyətinə işıq salıblar. Çıxışçılar Ümumilli Lider Heydər Əliyev siyasətinin Prezidentimiz İlham Əliyev tərəfindən uğurla davam etdirildiyini bildiriblər.
Tədbirdə TPİ-nin direktor müavinləri, elmi məsləhətçilər, şöbə müdirləri, professor- müəllim heyəti, institutun əməkdaşları, doktorant və dissertantlar iştirak ediblər.

Təhsil Problemləri İnstitutunda Humanist Pedaqogika Mərkəzi açılıb

  Dekabrın 3-də Azərbaycan Respublikasının Təhsil Problemləri İnstitutunda Humanist Pedaqogika Mərkəzinin açılışı olub. Bu münasibətlə keçirilən mərasimdə Təhsil Problemləri İnstitutunun  direktoru, hüquq üzrə fəlsəfə doktoru  Qulu Novruzov, "Təhsil prosesində uşaqlara şəxsiyyətyönümlü-humanist yanaşmanın əsasları" mövzusunda keçirilən seminarla əlaqədar Bakıda səfərdə olan Rusiya Təhsil Akademiyasının akademiki, Beynəlxalq Humanist Pedaqogika Assosiasiyasının prezidenti, psixologiya elmləri doktoru, professor Şalva Aleksandroviç Amonaşvili və onunla birgə adıçəkilən tədbirə qatılan  

Gürcüstan Beynəlxalq Humanist Pedaqogika Mərkəzinin prezidenti, psixoloq Paata Amonaşvili, Moskvada fəaliyyət göstərən "Valideyn qayğısı" Beynəlxalq İctimai Hərəkatın sədri Klara Mansurova, Sankt-Peterburqdakı Ümuminsan Dəyərləri İnstitutunun filial direktou, Ümumrusiya Pedaqoji Cəmiyyətinin üzvü, psixologiya üzrə fəlsəfə doktoru Valeriy Voşin  iştirak ediblər. Təhsil  Problemləri İnstitutunun direktoru Qulu Novruzov və  Rusiya Təhsil Akademiyasının akademiki, Beynəlxalq Humanist Pedaqogika Assosiasiyasının prezidenti,  psixologiya elmləri doktoru, professor Şalva Amonaşvili Humanist Pedaqogika Mərkəzinin rəmzi açılışını bildirən qırmızı lenti kəsərək bu münasibətlə hamını təbrik ediblər. Tanınmış  alim Şalva Amonaşvilini və digər qonaqları Humanist Pedaqogika Mərkəzində yaradılmış şəraitlə yaxından tanış edən direktor  Qulu Novruzov ölkə başçısı cənab İlham Əliyevin elmin və təhsilin inkişafına göstərdiyi diqqət və qayğıdan, Heydər Əliyev Fondunun prezidenti, UNESCO-nun və İSESCO-nun xosməramlı səfiri, Milli Məclisin deputatı Mehriban xanım Əliyevanın rəhbərliyi altında Fond tərəfindən təhsillə bağlı  həyata keçirilən irimiqyaslı tədbirlərdən, sosialyönümlü layihələrdən danışıb.

 Azərbaycanda ilk dəfə belə bir mərkəzin yaradıldığını deyən Qulu Novruzov burada bir sıra tədbirlərin keçiriləcəyini söyləyib. Mərkəzlə tanışlıqdan olduqca məmnun qalan qonaqlar burada olan metodik vəsaitlərə baxıblar. Professor Şalva  Amonaşvili bu mərkəzin yaradılmasını yüksək qiymətləndirərək müəllifi olduğu kitabları həmin  mərkəzə  hədiyyə edib.

Sonra Şalva  Amonaşvilinin və digər qonaqların institutun kollektivi  ilə görüşü keçirilib. Qulu Novruzov qonaqları rəhbərlik etdiyi institutda görməkdən məmnunluq hissi keçirdiyini söyləyərək onlara bu elmi-tədqiqat müəssisəsinin fəaliyyəti  haqqında ətraflı məlumat verib.  Professor Şalva Amonaşvilinin ideya müəllifi olduğu humanist pedaqogikanın əhəmiyyətindən danışan direktor, onun pedaqogika elminə əvəzsiz töhfələr verdiyini xüsusi vurğulayıb.

Görüşdə Şalva Amonaşvili onları belə səmimi qarşıladıqlarına görə özünün və qonaqların adından təşəkkür edib. Humanist pedaqogika ilə bağlı fikir və mülahizələrini azərbaycanlı həmkarları ilə bölüşən professor səmimi əməkdaşlığın bundan sonra da davamlı olacağına ümidvar olduğunu bildirib.

Çıxış edən digər qonaqlar da belə görüşlərin keçirilməsinin, alim və pedaqoqlarımızla, müəllimlərimizlə daha yaxından ünsiyyətdə olmalarını təqdirəlayiq hal olduğunu deyiblər. 

“Təhsil prosesində uşaqlara şəxsiyyətyönümlü-humanist yanaşmanın əsasları” mövzusunda seminar

“Təhsil prosesində uşaqlara şəxsiyyətyönümlü-humanist                                                                   yanaşmanın əsasları” mövzusunda keçirilən seminar
 . Rusiya Təhsil Akademiyasının akademiki
Psixologiya elmləri doktoru, professor
Şalva Aleksandroviç Amonaşvili
Beynəlxalq Humanist Pedaqogika mərkəzinin prezidenti,
yazıçı, psixoloq “Basti-Bubu” uşaq bağçasının elmi rəhbəri.

Təhsil Problemləri İnstitutundan Beynəlxalq Seminar

 

1 dekabr 2014-cü il tarixində Təhsil Problemləri İnstitutunun təşkilatçılığı ilə “Avropa” otelinin Bakı zalında “Təhsil prosesində uşaqlara şəxsiyyətyönümlü-hümanist yanaşmanın əsasları” mövzusunda Beynəlxalq Seminarın ilk günü öz işinə başladı.  Azərbaycanın şəhər və bölgələrindən gəlmiş 200-dən çox təhsil işçilərinin iştirakı ilə keçirilən seminarda institutun direktoru hüquq üzrə fəlsəfə doktoru Qulu Novruzov xarici qonaqları və Beynəlxalq Seminar iştirakçılarını salamlayaraq, mövzunun əhəmiyyətindən danışıb.  Tədbirdə Beynəlxalq Humanist Pedaqogika Mərkəzinin prezidenti, psixoloq Paata Amonaşvili (Gürcüstan),  

"Valideyn qayğısı" Beynəlxalq ictimai hərəkatın sədri Klara Mansurova (Moskva), psixologiya üzrə fəlsəfə doktoru Ümuminsan dəyərləri institutunun filialının direktoru, Ümumrusiya pedaqoji cəmiyyətinin üzvü Valeriy Voşinin iştirak edirlər (Sankt-Peterburq).

4 gün ərzində keçiriləcək seminarı Beynəlxalq Humanist Pedaqogika Mərkəzinin prezidenti, yazıçı, Rusiya Təhsil Akademiyasının akademiki, psixologiya elmləri doktoru, professor Şalva Aleksandroviç Amonaşvili aparacaqdır.  

Seminara Azərbaycanın 200-dən çox şəhər və bölgədən olan orta və ali məktəb müəllimləri,  direktorları,  gənc alimlər,  bağça müdirləri,  tərbiyəçilər və bir çox təhsil müəssisələrində çalışanlar qatılmışlar.

Məktəbəqədər və ibtidai təhsil sahəsində çalışan mütəxəssislər üçün beynəlxalq təlim.

Hörmətli həmkarlar! Əziz dostlar!

Azərbaycan Respublikası Prezidentinin 2013-cü il 24 oktyabr tarixli sərəncamı ilə təsdiq edilmiş Azərbaycan Respublikasında təhsilin inkişafı üzrə Dövlət Strategiyasıda təhsildə keyfiyyətə dair bir neçə mühüm məsələnin əhəmiyyəti qeyd edilmişdir:

• Ümumi təhsilin keyfiyyət göstəricilərinin Avropa standartlarına uyğunlaşdırılması
• Azərbaycan Respublikasında, keyfiyyət nəticələrinə görə dünya ölkələri sırasında aparıcı mövqe tutan təhsil sisteminin yaradılması
• Təhsilin keyfiyyətinin təminatı başlıca strateji prioritetə çevrilməsi

və həmçinin

• Kompetensiyalara əsaslanan keyfiyyət standartları və göstəriciləri, keyfiyyəti təmin edən sistemin, keyfiyyəti qiymətləndirən monitorinq sisteminin yaradılmasını təmin etməyə çağırmışdır.

            “Müasir Təhsil və Təlimə Yardım Mərkəzi” İB bu məqsədin həyata keçirilməsi istiqamətində öz töhfələrini vermək niyyəti ilə inklüziv təhsil üzrə tədqiqat aparmış və təhsil siyasəti sənədi hazırlamışdır.

Məlumat verək ki, “Müasir Təhsil və Tədrisə Yardım Mərkəzi” İB  Erkən Yaş Dövrünün Təhsili üzrə ixtisaslaşmış Beynəlxalq Addım-Addım Assosiasiyanın təşkilatı üzvüdür (ISSA, International Step by Step Association, www.issa.nl).Mərkəzimiz İSSA ilə birgə Erkən Yaş Dövrünün təhsili sahəsində mövcud beynəlxalq təcrübəni Azərbaycan pedaqoji ictimaiyyətini ilə tanış etmək məqsədilə aşağıda göstərilən tədbirləri keçirməyi planlaşdırır:

• 2014-cü ilin 10 və 11 dekabr tarixlərində “21-ci əsrinpedaqogikasında keyfiyyət məsələləri: Nəzəriyyə və Təcrübə” adlı iki seminarın təşkil olunması planlaşdırılır. Seminarlarda İSSA tərəfindən hazırlanan məktəbəqədər (10 dekabr) və ibtidai təhsil sahəsində (11 dekabr) pedaqoqların peşəkar keyfiyyət standartları və prinsipləri, müəllimlərin peşəkar standartların yaradılmasına dair yanaşma, müəllimlərin təhsil müəssisəsi nəzdində peşakar dəstəyi və inkişafı modeli, təlim-tədris prosesinin keyfiyyətini təmin edən yanaşmaların təqdimatı, seminarların fəal interaktiv formada diskussiya və mübadilə. Seminarlarda məktəbəqədər və ibtidai təhsil sahəsində təhsil siyasəti üzrə ekspertlər, mütəxəssislər və pedaqoji institutların nümayəndələrinin iştirakı nəzərdə tutulmuşdur . Seminarlar Prof. Tatyana Vonta, Lyublyana Pedaqoji İnstitutunun baş tədqiqatçısı,  Pedaqoji Təşəbbüslər üzrə Tədqiqat Mərkəzinin Rəhbəri (Sabaliauskiene, İnnovativ Təşəbbüslər Mərkəzinin rəhbəri (Litva) tərəfindən aparılacaqdır.

• 2014-cü ilin 12 dekabr tarixində “Məktəbəqədər təhsildə keyfiyyətə yönəlmiş mentorluq” adlı seminarın keçirilməsi. Seminarda məktəbəqədər təhsil sahəsində təhsil siyasəti üzrə ekspertlər, mütəxəssislər və pedaqoji institutların nümayəndələrinin iştirakı nəzərdə tutulmuşdur . Seminar Sanja Brajkoviç, Addım-Addım Açıq Akademiyanın Proqramlar üzrə direktoru (Xorvatiya) tərəfindən aparılacaqdır.

Təlimlərin gündəliyi             (10-11 dekabr 2014-cü il)

09:00 – 09:30             Salamlama və təlim məqsədlərinin təqdimatı

09:30 – 10:30              Erkən yaş dövrünün (məktəbəqədər və ibtidai təhsil) təhsilində keyfiyyət nə deməkdir?

10:30 – 11:00             Çay-kofe fasiləsi
11:00 – 12:30             Erkən yaş dövrünün təhsilində keyfiyyət sisteminin komponentləri
12:30 – 13:30             Nahar
13:30 – 15:00             Beynəlxalq Addım-Addım Assosiasiyanın Keyfiyyət üzrə resursları
15:00 – 15:30             Çay-kofe fasiləsi
15:30 – 17:00             Müzakirələr

12 dekabr 2014-cü il tarixində keçiriləcək tədbirin gündəliyi bir həftə müddətində saytımızda yerləşdiriləcək.

Qısa icmal

“21-ci əsrinpedaqogikasında keyfiyyət məsələləri: Nəzəriyyə və Təcrübə”

Məktəbəqədər və ibtidai təhsil sahələrində keyfiyyətin müəyyən olunması və tədqiqi pedaqoqlar və digər mütəxəssislər arasında peşəkar müzakirələr üçün bünövrədir. Keyfiyyətin hamı tərəfindən qəbul olunan aydın tərifi mövcud deyil. Beynəlxalq Addım-Addım Assosiasiyası keyfiyyət üzrə müzakirələrin aparılması üçün özünün Keyfiyyət Pedaqogikası və pedaqoqların peşəkar inkişafına dair digər əlaqəli resursları təklif edir. Təlim Litva və Sloveniya ekspertlərinin köməyi ilə peşəkarları keyfiyyətin tərifinin hazırlanması ətrafında tapşırıqlara və müzakirələrə cəlb edəcək. İştirakçılar İSSA tərəfindən hazırlanan müşahidə alətlərindən istifadə edərək müxtəlif sahələrdə keyfiyyətin spesifik göstəricilərini müzakirə edəcəklər. Təlimin əsas məqəsədi təlim təcrübəsinə refleksiya və onun müzakirəsi yolu ilə keyfiyyəti müəyyən etmək imkanlarını pedaqoqlara nümayiş etdirməkdir. Əlavə olaraq təlim keyfiyyətini artırmaq məqsədilə  peşəkar inkişaf imkanları müzakirə olunacaqdır. Təlim məktəbəqədər və ibtidai təhsil sahələrində təlim prosesini əks etdirən çoxsaylı videolarla müşayət olunacaqdır.

Qeydlər

Dekabrın 10-da məktəbəqədər təhsil sahəsində keyfiyyət məsələləri, dekabrın 11-də isə ibtidai təhsil sahəsində keyfiyyət məsələləri üzrə təlim aparılacaqdır.

İştirakçılar sertifikatlarla təmin olunacaqdır.

Hər iki tədbirin təşkili ilə bağlı bütün xərclər (dəftərxana ləvazimatı, nahar və çay-kofe fasiləsi, tərcümə, paylayıcı materiallar) “Müasir Təhsil və Tədrisə Yardım Mərkəzi” İB tərəfindən ödəniləcəkdir.

Təşkilatçı: “Müasir Təhsil və Tədrisə Yardım Mərkəzi” İB (MTTYM)

Məkan: Azərbaycan Respublikası Təhsil Problemləri İnstitutu, II bina, akt zalı.  Afiyyəddin Cəlilov küçəsi, 22.

   Tarix: 10 və 11 dekabr 2014-cü il

   Zaman: 9:00-17:00, 13.00-14.00 nahar fasiləsi

Təlimdə iştirakçı qismində iştirak etmək üçün aşağıdakı məlumatları qeyd olunan elektron poçt ünvanına göndərməklə, yaxud müvafiq əlaqə nömrəsinə zəng etməklə qeydiyyatdan keçə bilərsiniz:

Ad və soyad:

İş yeri/ vəzifə:

yaxud

     Təhsil müəssisəsi/ ixtisas:

____________________________________________________________________________

Əlaqə:

Rəhim Məhərrəmov

Ofis köməkçisi

“Müasir Təhsil və Tədrisə Yardım Mərkəzi” İB

Email: rmagerramov@cie.az

Tel: (+99412) 4986043 (daxili 11

AZ1095, Bakı şəhəri, Vidadi küç.,187,mən.24/26,T.+994 12 4986043, F.+994 124988557, office@cie.az, www.cie.az

V “Elektron Təhsil” Respublika müsabiqəsinin III mərhələsinə start verilib.

                                                      V “Elektron Təhsil” Respublika müsabiqəsinin III mərhələsinə start verilib.

Müsabiqəyə təqdim olunan 978 layihədən 302-si III mərhələyə keçib. Müvafiq qiymətləndirməyə əsasən, bu mərhələdə yüksək bal toplayan işlərin müəllifləri Təşkilat Komitəsi qarşısında təqdimatla çıxış edəcəklər.
Müsabiqə “Dr. Web”, İntel korporasiyasının “Gələcək üçün təhsil” proqramı, “Edumedia-Azərbaycan”, “AZEDUNET”, “Ultra”, Mədəd Azərbaycan və “Nar Mobile” şirkətləri tərəfindən dəstəklənir.
Müsabiqənin qaliblərinə Təhsil Nazirliyinin xüsusi diplomları, noutbuklar, planşetlər, printerlər və digər mükafatlar təqdim olunacaq.NOMİNATLAR

TƏHSIL PROBLEMLƏRI İNSTITUTU NÖVBƏTI UĞURA IMZA ATIB

Noyabrın 17-də Azərbaycan Respublikası Təhsil Problemləri İnstitutunda  Milli Dirçəliş Gününə həsr olunmuş tədbir keçirilib. TPİ-də məhz  bayram günündə Azərbaycan Respublikasının müəllimlərinin bir araya gəlməsinin əsas səbəbi avqust-oktyabr aylarında respublikada ilk olaraq "Elektron məktəb üçün elektron müəllim" təlim kursunun müdavimləri ilə görüş idi. Görüşdə kursu bitirmiş müdavimlərə sertifikatlar təqdim olunub. Tədbirdə  institutun direktoru, hüquq üzrə fəlsəfə doktoru Qulu Novruzov iştirakçıları Milli Dirçəliş Günü münasibətilə təbrik edib. Qeyd edib ki,  təməli ulu öndər Heydər Əliyev tərəfindən qoyulan və hazırda Prezident İlham Əliyev tərəfindən uğurla davam etdirilən təhsil siyasətində informasiya-kommunikasiya texnologiyalarının tədrisdə tətbiqi xüsusi istiqamət təşkil edir. Təsadüfi deyil ki,  Azərbaycan Respublikası Prezidentinin 2013-cü il 24 oktyabr tarixli sərəncamı ilə təsdiq edilmiş "Azərbaycan Respublikasında təhsilin inkişafı üzrə Dövlət Strategiyası"nda da olan informasiya-kommunikasiya texnologiyalarından tədrisdə  istifadə məsələsinə geniş yer verilib. Natiq söyləyib ki, İKT-nin təhsildə tətbiqinin  gücləndirilməsinə daha çox diqqət yetirən bir çox ölkələr kimi Azərbaycanda da bu istiqamət üzrə  mühüm işlər görülür.  Artıq təcrübədə özünü doğrultmuş həmkarların öyrənmə və öyrətmə  potensiallarını təhsildə birləşdirərək peşəkar inkişafa yönəltməklə təhsilə dəstək olan Təhsil Problemləri İnstitutu növbəti dəfə uğurlu bir layihəyə imza atıb. İnstitutda ilk dəfə olaraq məsafədən (distant) olaraq  "Elektron məktəb üçün elektron müəllim" təlim kursları keçirilib.

Qulu Novruzov  təhsilverənlərin təhsilalanların maraqlarına uyğun olaraq  tədrisi daha maraqlı etməsi üçün elektron dərs resurslarının hazırlanması və internetdə milli resursların sayının artırılması zərurətindən irəli gələn bu kursun məqsədəuyğun olduğunu vurğulayıb. Bildirib ki,  "Azərbaycan Respublikasında təhsilin inkişafı üzrə Dövlət Strategiyası"nın  yeni kurikulumlara və informasiya-kommunikasiya texnologiyaları əsaslı təlim metodologiyalarına uyğun metodiki vəsaitlərin, didaktik materialların və təlim vasitələrinin hazırlanmasını stimullaşdıran yeni mexanizmlərin yaradılması müddəti əsas götürülərək TPİ-də uyğun kurslara start verilib. 

"Elektron məktəb üçün elektron müəllim" təlimi Azərbaycanın əməkdar müəllimi, beynəlxalq dərəcəli təlimçi Almaz Həsrət tərəfindən keçirilib. Kursun 3 günü auditoriya şəraitində müəllimlərin birbaşa iştirakı ilə, digər günlər isə məsafədən (distant) olaraq 1 ay müddətində keçirilib. Elektron təhsilə keçidlə əlaqədar olaraq kurs zamanı  müəllimlərə mühazirə, təqdimat, müzakirə, workshop, debat və  Veb texnologiyalarından istifadə kimi  təlim formatlarından istifadə olunub. 

Kursa Azərbaycanın şəhər və rayonlarından 60-dan çox təhsil işçisi qatılıb.  Müzakirələr olub, keçirilən kursla bağlı maraqlı fikirlər səsləndirilib.

Sonda institutun direktoru Qulu Novruzov kursun müdavimlərini bir daha təbrik edərək onlara sertifikatları təqdim edib.

Görüşdə ARTPİ-nin direktor müavini, pedaqoji elmlər üzrə fəlsəfə doktoru Ənvər Abbasov, şöbə müdiri İlham Cavadov, Təlim Texnologiyaları Mərkəzinin direktoru Muxtar Həsənov  və  Azərbaycanın bölgələrini təmsil edən 60-dan çox müəllim iştirak edib.   

Beynəlxalq əməkdaşlıq və informasiya şöbəsi